ഗിരിവന നിബിഡ പ്രകൃതിയില്‍ .........
(രചന ,സംഗീതം ,ആലാപനം -ഡോ.എം .എസ്. ശ്രീകുമാര്‍ )
ഗിരിവന നിബിഡ പ്രകൃതിയില്‍-
നാഞ്ചി നാട്ടില്‍-
ശിവസുതന്‍ മുരുകന്‍ നില്‍ക്കവേ...
പ്രകൃതി തന്‍ ശില്‍പ്പകൌമുദി-
യാര്‍ന്നു നിന്നു-
ഗിരികന്യ വള്ളി ദേവിയും ......(ഗിരിവന )
ഗിരികന്യ വള്ളി ദേവിയും ......
തരുണിതന്‍ ഹൃത്തടത്തി ലായ്
രാഗമേകാന്‍ -
ഇനിയും ഞാന്‍ എന്തുചെയ്യണം ?!
നിരതനായ് നിന്നു നോക്കവേ
കുമാരസ്വാമി -
യ്ക്കൊരു വഴി കാട്ടി വിഘ്നേശന്‍ ....
കരിവര രൂപം കണ്ടതാ ഗിരികന്യ
മുരുകന്റെ നെഞ്ചില്‍ ചാഞ്ഞല്ലോ ...
(ഗിരിവന )
കരിവള `വള്ളി`ക്കൈകളില്‍ -
ചാര്‍ത്തിടുവാന്‍
`വളയപ്പച്ചെട്ടി`യായതും മുരുകസ്വാമി ;
അനിതര `വേങ്ങമര `മായി
മാറിയപ്പോള്‍
മുരുകനെച്ചുറ്റി നിന്നതോവള്ളിയമ്മ!
പ്രകൃതീ പുരുഷ സംഗമ ഗാഥകള്‍ക്കായ് -
ഉണരുമോ വേളി മലകളേ...
വീണ്ടും ഉണരുമോ വേളിമലകളെ...?!
(ഗിരിവന)
ഈ വീഡിയോ `You tube` -ലും ലഭ്യമാണ് ...
(`വേളിമല`യിലെ കുമാര കോവിലിലെ `തൃക്കല്ല്യാണ മഹോത്സവവുമായി ബന്ധപ്പെട്ടുള്ളഐതിഹ്യകഥയാണ്‌ ഈ വരികള്‍ക്കാധാരം. വിവാഹ തടസ്സങ്ങള്‍ക്കും,ചൊവ്വാദോഷം,പൂര്‍വ ജന്മത്തില്‍ ദമ്പതിമാരെ പിരിയിച്ച ശാപം,പ്രണയ സാഫല്യം തുടങ്ങിയ വിഷയങ്ങളില്‍ പരിഹാരം ഉണ്ടാകുന്നതിന്‌ ഈ ഉത്സവത്തില്‍ ശരിയായി പങ്കെടുത്താല്‍
കഴിയുമെന്നാണ് ഭക്തജനവിശ്വാസം.)
